1. LAADI U HIIHII U ADVENTE

Aôndo u hembanagee, na mba nan we jighjigh ishimataver i ve a sase za keghen Kristu Wou gbenda aa aeren a perapera sha mve Na la, sha er ve a kuma u zuan a tartor u sha zum u ve a kumba sha wegh Nagh ku yanegh yô.

Ken Ter Yesu Kristu, Wan Wou, u A lu uma man tahav vea We man Cighan Jijingi, Aôndo môm, zan zan a bee mayange ga la.  Amen.

 

2. LAADI U SHA UHAR U ADVENTE

Aôndo u hembanagee man u mhôôn, ma kwagh u tar ne môm ma atagher mba ve dugh fefa u za ngohol Wan Wou la ga, kpa mfe wase u kwaghfan u tartor la ma a wase ma i ngohol se ken u Nav.

U A lu uma shi A tem tor ve a We ken mlumôm u Cighan Jijingi, Aôndo môm, zan zan a bee mayange ga la.  Amen.

 

3. LAADI U SHA UTAR U ADVENTE

We Aôndo, u U nenge er ior Ou ve lu keghen iniongo i Mmar u Ter sha mimi ne, wase se, se zamber We, er se nyôr ken iember i zege myom u tsôron u hemban ne, man se ember ve gbem aa mcivir a ilim mam iember i saan saan yô.

U A lu uma man tahav vea We man Cighan Jijingi, Aôndo môm, zan zan a bee mayange ga la.  Amen.

 

4. LAADI U SHA UNYIIN U ADVENTE

Se zamber, We Tere, haa grasia Wou ken asema ase, sha er, se mba i pase se sha loho u ortyom er Kristu Wan Wou hingir Or ne, ma i nyer a vese ken iengem i mmogh Na shin ku, sha atsan man terankon Na yô.

U A lu uma shi A tem tor ve a We kem mlumôm u Cighan Jijingi, Aôndo môm, zan zan a bee mayange ga la.  Amen.

 

5. ADUA U MKEGH U MAR U TER [AIKIE U DISEMBA 24]

Aôndo, U saan asem ase hanma inyom er ka se a keghen mpaa wase ken ishimaverenkeghen la nahan, wase se, sha er, di voogh er se lu ngohol Wan Wou u Mtswen aa iember nahan, shi man se kom u va zuan ishigh a Na a vangertiôr shie u Un a va va er Orjir wase la.

U A lu uma shi A tem tor ve a We ken mlumôm u Cighan JIjingi, Aôndo môm, zan zan a bee mayange ga la.  Amen.

 

6. ADUA U MAR U TER [ATO UTU] ZEGENIONGO.

Aôndo, u U er tugh mbu hemban tseghan mbun mbu mondo a iengem ii Iwyanger i mimi ne, wase se, se zamber We, sha er se mba se kav umisterium mba iwyanger Na shin tar ne ne, shi man se va ember ken msaanyôl Na sha tartor.

U A lu uma shi a tem tor ve a We ken mlumôm u Cighan Jijingi, Aôndo môm, zan zan a bee mayange ga la.  Amen.

 

7. ADUA U IYANGE I KIRIMISHI [SHA KIISHI]

Aôndo u hembanagee, wase se, se zamber We, sha er, er imiondon ii Imo You hingir or la  kase se cii nahan, Iwyanger i jighjigh u nan ii i wanger avenger ase la, shi I a tese ken aeren ase yô.

U A lu uma shi A tem tor ve a We ken mlumôm u Cighan Jijingi, Aôndo môm, zan zan a bee mayange ga la.  Amen.

 

8. ADUA U IYANGE I KIRIMISHI [PEPE U DISEMBA 25]

Aôndo, u U gbe ulum u mlu u umace sha gbenda u kpilighyol, shi u hidi aa u sha mlu u hemban kpilighyol ne, wase se, se zamber We, er se zua a ci ken mlu-Aôndo u Kristu la yô.

U A lu uma shi A tem tor ve a We ken mlumôm u Cighan Jijingi, Aôndo môm zan zan abee mayange ga la.  Amen.

 

9. LAADI U KEN ATÔ U AYANGE ANIENI U KIRIMISHI SHIN DISEMBA 30 [INIONGO I TSOMBOR U TSEGHAN U YESU, MARIA MAN JOSEPH]

Aôndo, u i doo U u nan se ikyav i tesen i tsembelee ken Tsombor u Tseghan ne la, wase se sha erdoo Wou er se kav ve sha u dondon aeren aa injaa aa mlu u tsombor man ken mzoo u dooshima, sha er, iyange i gen yô, se zua a msaanyol ken injar i tsôron ken iember i ya Wou yô.

Er kwagh ne ken Yesu Kristu Wan Wou, Tor wase, U A lu uma man tahav ve a We man Cighan Jijingi, Aôndo môm, zan zan a bee mayange ga.  Amen.

 

10. LAADI U SHA UHAR U KIRIMISHI

Aôndo u hembanagee man u tsôron, iengem i uuma mba mbadondon We jighlii, ishima i doo U sha erdoo Wou u ivin tar a iengem You man pase Iyol You hen ior cii sha imiondon i iengem You.

Se sôn kwagh ne ken Yesu Kristu Wan Wou, Tor wase, U A lu uma man tahav ve a We man Cighan Jinjingi, Aôndo môm, zan zan a bee mayange ga.  Amen.

 

11. ADUA U INYoM I HE - JANUARI 1 [ZEGENIONGO I MARIA NGÔ U AÔNDO]

Aôndo, U sha iniuun i Cighan Maria i lun a mar iyol, U ne umace grsia u myom u tsôron ne, wase se, se zamber We, er se kav ken avese, mbamsen mba un, u i lu sha iwyasen na se kom u zuan a Ornan uma, Ter waseYesu Kristu Wan Wou la.

U A lu uma man tahav ve a We man Cighan Jijingi, Aôndo môm, zan zan a bee mayange ga.  Amen.

 

12. ADUA U MTESE U TER KEN IGBYAR - JANUARI 6 [ZEGENIONGO]

Aôndo u U pase Wan Wou u Mtswen hen akuraior nyian sha hemen u ishan ne, wase se ken mhôônom Ou er se mba se vande fan We sha Jijigh u nan ne a va a vese se va nenge a mdooashe u iengem You i hembe cii la yô.  

Se sôn kwagh ne ken Yesu Kristu Wan Wou, Tor wase, U A lu uma man tahav ve a We man Cighan Jijingi, Aôndo môm, zan zan a bee mayange ga.  Amen.

 

13. LAADI U DONDON JANUARY 6 [INIONGO I BATISEMA U TER ]

Aôndo Uhembanagee man u tsôron, U iyange U pase a ulum er Kristu A lu Wan Wou u ishimashima, shie u i er Un batisema shin Ifi u Jordan, man Cighan Jijingi sen sha a Na la.  We A lumun yô, wase er mba ve hingir ônov Ou sha mmar u sha mnger man Cighan Jijingi la, ve a luun sha ishima You tsembelee hanma shie cii yô.

Ken Kristu Tor wase, U A lu uma man tahav ve a We man Cighan Jijingi, Aôndo môm, zan zan a bee mayange ga.  Amen.

 

14. LAADI U HIIHII KEN SHIE U GBILINIGH

Tere, ungwa uzamber mba ior Ou a ikyowan i tartor, se zamber we, sha er ve a nenge a kwagh u i lu u a er keng la man ve a zua aa agee a eren kwagh u ve nenge a min la yô.

Ken Yesu Kristu Wan Wou, Tor wase, U A lu uma man tahav ve a We ken mlumôm u Cighan Jijingi, Aôndo môm gbem shawon la.  Amen.

 

15. LAADI U SHA UHAR KEN SHIE U GBILINIGH

Aôndo Uhembanagee man u tsôron, We u U hemen akaa cii, aa sha tartor man shin tar kpaa ne, ungwa zamber u ior Ou a mhôônom ma zungwen man na bem Wou hen ashie ase ne.

Ken Yesu Kristu Wan Wou, Tor wase, U A lu uma shi A tem tor ve a We ken mlumôm u Cighan Jinjigi, Aôndo môm gbem shawon la.  Amen.

 

16. LAADI U SHA UTAR KEN SHIE U GBILINIGH

Aôndo Uhembanagee man u tsôron, kôôm aeren ase sha ishima You i dedoo, sha er se mgbogh a ityom i dedoo ken iti i Wan Wou u Doon We ishima yô.

Ken Yesu Kristu Wan Wou, Tor wase, U A lu uma shi Atem tor ve a We ken mlumôm u Cighan Jijingi, Aôndo môm gbem shawon la.  Amen.

 

17. LAADI U SHA UNYIIN KEN SHIE U GBILINIGH

Se zamber We, Ter Aôndo wase, wase er se civir We a avenger ase cii man se lu a dooshima sha hanma or ken ishima sha mimi yô.

Ken Yesu Kristu Wan Wou, Tor wase, U A lu uma shi A tem tor ve a We, ken mlumôm u Cighan Jijingi, Aôndo môm gbem shawon la.  Amen.

 

18. LAADI U SHA UTAAN KEN SHIE U GBILINIGH

Kura tsombor Wou doo doo, Tere, a ikyowan i bunden shio, sha er, er u lu suur sha ishimaverenkeghen i grasia u tseegh la, a kura u sha ikyuran You yô.

Ken Yesu Kristu Wan Wou, Tor wase, U A lu uma shi atem tor ve a We ken mlumôm u Cighan Jijingi, Aôndo môm gbem shawon la.  Amen.

 

19. LAADI U SHA ATERATAR KEN SHIE U GBILINIGH

Aôndo u U tese se Wer U luun ken asema aa perapera man aa mimi ne, wase i sôr se sha grasia Wou er se higir ijiir i tsan i doon We ishima yô.

Ken Yesu Kristu Wan Wou, Tor wase, U A lu uma shi A tem tor ve a We ken mlumôm u Cighan Jijingi, Aôndo môm gbem shawon la.  Amen.

 

20. LAADI U SHA UTAANKARUHAR KEN SHIE U GBILINIGH

Aôndo Uhembanagee, se zamber We, na er, u zeren henen sha akaa aa Jijingi gbem yô, se er kwagh u ishima You sha iôron man shi ieren yô.

Ken Yesu Kristu Wan Wou, Tor wase, U A lu uma shi atem tor ve a We ken mlumôm u Cighan Jijingi, Aôndo môm gbem shawon la.  Amen.

 

 

Phone:+393512322678|+255759012868
E-mail Us: info@tivcl.com|editor@tivcl.com